AzMİO qalibləri açıqlandı!


Azərbaycan Milli İqtisadiyyat Olimpiadasının final mərhələsinin qalibləri müəyyənləşdi. 09.02.2025-ci il tarixində Bakı Biznes Universitetində keçirilən final mərhələsində 5-11-ci sinif şagirdləri iqtisadiyyat və maliyyə biliklərini sınadılar. Hər kateqoriya üzrə:

  • İlk 5 nəfər qızıl medal,
  • Sonrakı 10 nəfər gümüş medal,
  • Sonrakı 15 nəfər isə bürünc medal qazandı.

İstisna hal kimi, keçid ballarında yer alan şagirdlər də müvafiq bal əsasında medallarla təltif olunublar.

Bu il AzMİO 2025 yekun nəticəsinə əsasən ən yüksək nəticə:

  • 5-8-ci siniflər arasında Landau School-un 5-ci sinif şagirdi Məryəm Hacıyevaya,
  • 9-11-ci siniflər arasında isə Elitar Gimnaziyanın şagirdi Daniyar Əliyevə məxsusdur.

Qeyd edək ki, Martın 8-də medalçı şagirdlər arasında milli komanda seçim turu keçiriləcək.
Bu mərhələdə ən yaxşı nəticəni göstərən 10 şagird iki komanda formatında International Economics Olympiad-ın Azərbaycanda keçiriləcək final mərhələsində iştirak etmək hüququ qazanacaq.

Qalibləri təbrik edirik, gələcək fəaliyyətlərində uğurlar arzulayırıq!