TIMO MATH 2026-2027

Türk Dünyası Beynəlxalq Riyaziyyat Olimpiadası

Rəsmi Təlimat Vərəqi

1. Təşkilati məlumat

2. Keçirilmə məkanları

•  Bakı şəhəri

•  Gəncə - Gəncə Dünya Məktəbi

•  Sumqayıt - Sumqayıt Dövlət Universiteti

•  Naxçıvan - NDU Kembric Məktəbi

3. TIMO haqqında

TIMO - Türk Dünyası Beynəlxalq Riyaziyyat Olimpiadası şagirdlərin riyazi düşünmə, məntiqi analiz, problem həll etmə və akademik özünüifadə bacarıqlarını inkişaf etdirməyi hədəfləyən beynəlxalq riyaziyyat platformasıdır.

Olimpiada müxtəlif ölkələrdən olan şagirdləri bir araya gətirir, onların riyazi biliklərini beynəlxalq standartlara uyğun yoxlamağa və sağlam rəqabət mühitində təcrübə qazanmağa imkan yaradır.

TIMO-da iştirak şagirdlərin akademik portfoliolarını gücləndirə, gələcək beynəlxalq yarışlar və təhsil imkanları üçün əlavə üstünlük yarada bilər.

4. İmtahan strukturu

5. Siniflər üzrə imtahan formatı

6. Qiymətləndirmə meyarları

•  2-ci sinif: hər düzgün cavab 5 bal.

•  3-11-ci siniflər: hər düzgün cavab 4 bal.

•  2-ci sinif üzrə səhv cavab 1.25 bal silir.

•  3-11-ci siniflər üzrə səhv cavab 1 bal silir.

•  Cavab yazılmayan sual üzrə bal verilmir və bal silinmir.

7. Mükafatlandırma və final hüququ

•  İştirak sertifikatı - seçim turunda iştirak edən bütün şagirdlərə təqdim olunur.

•  Qızıl medal: 90-100 bal aralığında nəticə göstərən iştirakçılar.

•  Gümüş medal: 74-89 bal aralığında nəticə göstərən iştirakçılar.

•  Bürünc medal: 50-73 bal aralığında nəticə göstərən iştirakçılar.

•  40-49 bal aralığında nəticə göstərən iştirakçılar fəxri fərman əldə edə bilərlər.

•  100 bal toplayan şagirdlər rəsmi qaydalara əsasən final mərhələsində xüsusi iştirak hüququ qazana bilərlər.

•  Final mərhələsi ilə bağlı əlavə məlumat üçün Əli Mirzəyev ilə əlaqə saxlamaq olar: +994 50 371 42 80.

8. Nəticələr və apellyasiya

•  Nəticələr imtahandan sonra şəxsi kabinetdə elan olunur. İştirakçılar ballarını, doğru və yanlış cavab sayını, həmçinin nəticə statusunu şəxsi kabinetdən izləyə biləcəklər.

•  Nəticələr elan olunduqdan sonra apellyasiya bölməsi aktivləşdirilə bilər.

•  Apellyasiya müraciətində şagirdin ad-soyadı, sinfi, şikayət edilən sual nömrəsi və əsaslandırılmış izah qeyd olunmalıdır.

•  Apellyasiya yalnız rəsmi qaydalara uyğun və məhdud zaman çərçivəsində mümkündür.

•  Mükafatlandırma və sertifikatlarla bağlı məlumat şəxsi kabinet və GOC-un rəsmi kommunikasiya kanalları vasitəsilə təqdim ediləcək.

9. İmtahan qaydaları və nizam-intizam

•  İştirakçılar imtahan zalına yalnız təşkilatçıların göstərişi ilə daxil olur və göstərilən yerdə əyləşirlər.

•  Elektron cihazlardan istifadə qadağandır: telefon, ağıllı saat, kalkulyator, naqilsiz qulaqcıq və digər oxşar vasitələr imtahan zalında istifadə oluna bilməz.

•  Şagird imtahana başlamazdan əvvəl ona verilən kitabça və cavab kartını yoxlamalıdır.

•  Hər suala yalnız bir cavab işarələnməlidir. Birdən çox cavab verilən sual səhv cavab kimi qiymətləndirilə bilər.

•  İmtahan zamanı sualın məzmunu, həlli və ya cavab variantları ilə bağlı nəzarətçiyə sual vermək olmaz.

•  Köçürmə, yardım alma və ya yardım etmə halları ciddi qayda pozuntusu hesab olunur və iştirakçının diskvalifikasiyasına səbəb ola bilər.

•  İlk 30 dəqiqə ərzində imtahan zalından çıxmaq qadağandır. Zalı tərk edən iştirakçı yenidən imtahana buraxılmaya bilər.

•  İmtahan zalını tərk etməzdən əvvəl cavab kartı nəzarətçiyə təhvil verilməlidir.

10. Ödəniş və geri qaytarma siyasəti

•  Qeydiyyat zamanı edilən ödənişlər geri qaytarılmır.

•  İmtahanda iştirak edilməməsi ödənişin geri qaytarılması üçün əsas sayılmır.

•  Təşkilati qərara əsasən, zəruri hallarda iştirak hüququ başqa uyğun imtahana və ya növbəti dövrə keçirilə bilər.

•  Keçid və ya dəyişiklik hüququ pul şəklində geri ödəniş yaratmır.

11. Nümunə suallar və sillabus

Nümunə suallar və sillabusla tanış olmaq üçün link:

https://drive.google.com/drive/folders/1UtAaccppvqaPsdrYz1n-64A9dI-NfLqp

12. Qaydalar və şərtlər - valideyn təsdiqi üçün

Valideyn “RAZIYAM” seçimini aktiv etməklə aşağıdakı şərtlərlə razılaşmış hesab olunur:

•  İştirak razılığı: Övladımın TIMO - Turkic International Mathematical Olympiad yarışmasında iştirakına könüllü şəkildə razılıq verirəm.

•  Məlumatların doğruluğu: Qeydiyyat zamanı təqdim etdiyim bütün məlumatların düzgün və aktual olduğunu təsdiq edirəm. Yanlış və ya natamam məlumat aşkar edildiyi halda nəticənin ləğv edilə biləcəyini qəbul edirəm.

•  Rəsmi təlimatın qəbulu: Qeydiyyatdan sonra elektron poçt vasitəsilə göndərilən PDF formatlı rəsmi təlimatı oxuduğumu, başa düşdüyümü və qəbul etdiyimi təsdiq edirəm.

•  İmtahan qaydaları ilə bağlı razılıq: Övladımın imtahan zamanı təşkilatçıların göstərişlərinə və rəsmi imtahan qaydalarına əməl etməli olduğunu qəbul edirəm.

•  Akademik dürüstlük: Övladımın imtahanı müstəqil şəkildə yerinə yetirəcəyini qəbul edirəm. Köçürmə, əlavə materialdan istifadə, telefon və ya digər texniki vasitələrdən istifadə kimi qayda pozuntuları aşkar edildiyi halda nəticənin ləğv olunmasına razıyam.

•  Qiymətləndirmə və apellyasiya: Qiymətləndirmənin obyektiv və rəsmi meyarlara uyğun aparıldığını qəbul edirəm. Nəticələrin yalnız şəxsi kabinet vasitəsilə elan olunacağını təsdiq edirəm. Apellyasiya yalnız rəsmi qaydalara uyğun və məhdud zaman çərçivəsində mümkündür.

•  Təşkilati dəyişikliklər: Global Olympiad Center zəruri hallarda imtahanın tarixi, vaxtı, formatı və məkanı ilə bağlı dəyişiklik etmək hüququna malikdir.

•  Ödəniş və geri qaytarma: Qeydiyyat zamanı edilən ödənişlər geri qaytarılmır. İmtahanda iştirak edilməməsi ödənişin geri qaytarılması üçün əsas sayılmır.

•  Məxfilik: Övladımın şəxsi məlumatlarının yalnız olimpiada və təşkilati proseslərin idarə olunması məqsədilə istifadə olunmasına razılıq verirəm.

•  Foto və video razılığı: Olimpiada zamanı çəkilən foto və videoların nəticələrin elan edilməsi, sertifikatlaşdırma, hesabatlılıq və GOC-un rəsmi media resurslarında istifadəsinə razıyam.

•  Valideyn məsuliyyəti: Övladımın imtahan qaydalarına əməl etməsinə nəzarət edəcəyimi və imtahan günü tələb olunan sənədlərin düzgün təqdim edilməsinə görə məsuliyyət daşıdığımı qəbul edirəm.

•  Yekun təsdiq: “RAZIYAM” düyməsini sıxmaqla bütün qaydaları oxuduğumu, başa düşdüyümü və tam şəkildə qəbul etdiyimi təsdiq edirəm.

Global Olympiad Center | www.goc.edu.az | +994 50 224 51 40

TİMO 2027 — Beynəlxalq Final Turu

Əziz azərbaycanlı şagirdlər,

Sizi 2–6 iyul 2027-ci il tarixlərində Türkiyənin İstanbul şəhərində keçiriləcək TİMO Beynəlxalq Riyaziyyat Olimpiadasının Final mərhələsində iştirak etməyə dəvət edirik.

Dünyanın müxtəlif ölkələrindən istedadlı şagirdləri bir araya gətirəcək TİMO 2027 iştirakçılara riyazi biliklərini, məntiqi təfəkkürlərini və problem həll etmə bacarıqlarını beynəlxalq səviyyədə nümayiş etdirmək imkanı yaradacaq.

Final mərhələsində şagirdlər beynəlxalq standartlara uyğun hazırlanmış riyaziyyat tapşırıqlarını həll edəcək, müxtəlif ölkələrdən olan həmyaşıdları ilə sağlam rəqabət aparacaq və yeni akademik təcrübə qazanacaqlar.

Tədbir yalnız imtahanla məhdudlaşmayacaq. İştirakçılar İstanbulun zəngin tarixi və mədəni irsi ilə tanış olacaq, beynəlxalq dostluqlar quracaq və müxtəlif ölkələrin mədəniyyətlərini yaxından kəşf edəcəklər.

Yüksək nəticə göstərən şagirdlər bağlanış və mükafatlandırma mərasimində qızıl, gümüş və bürünc medallar, həmçinin beynəlxalq sertifikatlarla təltif olunacaqlar. Bu nailiyyətlər şagirdlərin akademik portfoliolarını gücləndirərək gələcək təhsil və universitet müraciətlərində mühüm üstünlük yarada bilər.

TİMO 2027 — riyazi potensialınızı beynəlxalq səviyyədə nümayiş etdirmək, yeni dostluqlar qurmaq və İstanbulda unudulmaz təcrübə yaşamaq üçün möhtəşəm fürsətdir.

Sizi İstanbulda qarşılamağı səbirsizliklə gözləyirik!

Hörmətlə,
TİMO Olimpiadası Təşkilat Komitəsi