COPERNICUS MATH 2026-2027

Amerikanın Beynəlxalq Riyaziyyat Olimpiadası

Rəsmi Təlimat Vərəqi

1. Təşkilati məlumat

2. Keçirilmə məkanları

·        Bakı – (Məlumat veriləcək)

·        Gəncə - Dünya Məktəbi

·        Sumqayıt - Sumqayıt Dövlət Universiteti

·        Naxçıvan – NDU Beynəlxalq Məktəbi

3. Copernicus Math haqqında

Copernicus Math beynəlxalq səviyyədə tanınan riyaziyyat olimpiadasıdır və şagirdlərin analitik düşünmə, məntiqi qərarvermə, problem həll etmə və yaradıcı yanaşma bacarıqlarını inkişaf etdirməyi hədəfləyir.

Olimpiada şagirdlərə öz biliklərini beynəlxalq standartlara uyğun yoxlamaq, rəqabət mühitində təcrübə qazanmaq və gələcək akademik portfoliolarını gücləndirmək imkanı yaradır.

Seçim turunda uğurlu nəticə göstərən iştirakçılar Copernicus Olimpiadasının qlobal final mərhələsinə qeydiyyat hüququ əldə edə bilərlər.

4. İmtahan strukturu

5. Kateqoriyalar

6. Qiymətləndirmə meyarları

·        İlk 5 sual: hər düzgün cavab 4 bal

·        Növbəti 10 sual: hər düzgün cavab 5 bal

·        Son 5 sual: hər düzgün cavab 6 bal

·        Bir səhv cavab, bir balı silir.

·        Cavab yazılmayan sual üzrə bal verilmir və bal silinmir.

7. Mükafatlandırma və final hüququ

·        İştirak sertifikatı - seçim turunda iştirak edən bütün şagirdlərə təqdim olunur.

·        40-49 bal: Fəxri fərman

·        50-74 bal: Bürünc medal

·        75-90 bal: Gümüş medal + Qlobal tur qeydiyyatına 5% endirim

·        91-100 bal: Qızıl medal + Qlobal tur qeydiyyatına 10% endirim

·        Final mərhələsi ilə bağlı əlavə məlumat üçün Əli Mirzəyev ilə əlaqə saxlamaq olar: +994 50 371 42 80

8. Nəticələr və apellyasiya

·        Nəticələr imtahandan sonra şəxsi kabinetdə elan olunur. İştirakçılar ballarını, doğru və yanlış cavab sayını, həmçinin suallar üzrə cavab statusunu şəxsi kabinetdən izləyə biləcəklər.

·        Nəticələr elan olunduqdan sonra apellyasiya bölməsi aktivləşdirilə bilər. Apellyasiya müraciətində şagirdin ad-soyadı, kateqoriyası, şikayət edilən sual nömrəsi və əsaslandırılmış izah qeyd olunmalıdır.

·        Apellyasiya müddəti təşkilati qərara əsasən 12 və ya 24 saat aktiv ola bilər. Müddət bitdikdən sonra müraciətlər ekspert heyəti tərəfindən nəzərdən keçirilir və yekun nəticələr sistemdə yenilənir.

·        Mükafatlandırma ilə bağlı məlumat şəxsi kabinet və GOC-un rəsmi kommunikasiya kanalları vasitəsilə təqdim ediləcək.

9. İmtahan qaydaları və nizam-intizam

·        İştirakçılar imtahan zalına yalnız təşkilatçıların göstərişi ilə daxil olur və göstərilən yerdə əyləşirlər.

·        Elektron cihazlardan istifadə qadağandır: telefon, ağıllı saat, kalkulyator, naqilsiz qulaqcıq və digər oxşar vasitələr imtahan zalında istifadə oluna bilməz.

·        Şagird imtahana başlamazdan əvvəl ona verilən kitabça və cavab kartını yoxlamalıdır. Yanlış kitabça və ya cavab kartı ilə bağlı məsələ imtahan başladıqdan sonra qəbul edilməyə bilər.

·        Hər suala yalnız bir cavab işarələnməlidir. Birdən çox cavab verilən sual səhv cavab kimi qiymətləndirilə bilər.

·        İmtahan zamanı sualın məzmunu, həlli və ya cavab variantları ilə bağlı nəzarətçiyə sual vermək olmaz.

·        Köçürmə, yardım alma və ya yardım etmə halları ciddi qayda pozuntusu hesab olunur və iştirakçının diskvalifikasiyasına səbəb ola bilər.

·        İmtahan zalını tərk etməzdən əvvəl cavab kartı nəzarətçiyə təhvil verilməlidir.

·        İmtahan sualları rəsmi sillabus və nümunə suallar əsasında hazırlanır.

10. Ödəniş və dəyişiklik qaydası

·        Sağlamlıq problemi ilə bağlı tibbi arayış təqdim edildikdə, iştirak hüququ başqa uyğun imtahana keçirilə bilər.

·        Fövqəladə hal və ya təbii fəlakət səbəbindən iştirak mümkün olmadıqda, məsələ təşkilatçı tərəfindən ayrıca qiymətləndirilir.

·        İmtahan başladıqdan sonra heç bir dəyişiklik və ya keçid müraciəti qəbul edilmir.

·        Keçid və dəyişiklik hüququ pul şəklində geri ödəniş yaratmır.

11. Nümunə suallar və sillabus

Nümunə suallar və sillabusla tanış olmaq üçün link: https://drive.google.com/drive/folders/1mohmR_AjjH2rzyjT9AbpIB-f9WbjlzP6

Əziz azərbaycanlı şagirdlər,

Sizi 2027-ci ilin iyul ayında ABŞ-nin Nyu-York şəhərində keçiriləcək Copernicus Riyaziyyat Olimpiadasının Qlobal Final mərhələsində iştirak etməyə dəvət edirik.

Dünyanın müxtəlif ölkələrindən istedadlı və yüksək nəticə göstərən şagirdləri bir araya gətirəcək bu nüfuzlu tədbir riyazi biliklərinizi, məntiqi təfəkkürünüzü və problem həll etmə bacarıqlarınızı beynəlxalq səviyyədə nümayiş etdirmək üçün mühüm platformadır.

Final proqramının Kolumbiya Universitetində keçirilməsi planlaşdırılır. Açılış mərasimindən sonra iştirakçılar riyaziyyatın gündəlik həyat, elm və texnologiya ilə əlaqəsini daha yaxından öyrənmək məqsədilə Milli Riyaziyyat Muzeyini ziyarət edəcəklər. Proqram çərçivəsində Nyu-Yorkun məşhur məkanlarına ekskursiyalar və mədəni tədbirlər də təşkil olunacaq.

Olimpiadanın əsas imtahan günündə iştirakçılar beynəlxalq standartlara uyğun hazırlanmış tapşırıqları həll edərək riyazi potensiallarını nümayiş etdirəcəklər. İmtahandan sonra şagirdlər Times Square, DUMBO, Fifth Avenue və SUMMIT One Vanderbilt kimi şəhərin simvolik məkanlarını kəşf etmək imkanı qazanacaqlar.

Bağlanış və mükafatlandırma mərasimində yüksək nəticə göstərən iştirakçılar medal və sertifikatlarla təltif olunacaqlar. Bu nailiyyətlər şagirdlərin akademik portfoliolarının güclənməsinə, beynəlxalq təcrübə qazanmalarına və gələcək təhsil məqsədlərinə daha inamla irəliləmələrinə töhfə verəcək.

Copernicus Riyaziyyat Olimpiadasının Qlobal Finalı yalnız bir yarış deyil. Bu tədbir yeni dostluqlar, fərqli mədəniyyətlərlə tanışlıq, beynəlxalq akademik mühit və unudulmaz Nyu-York təcrübəsi təqdim edir.

Riyazi potensialınızı beynəlxalq səviyyədə nümayiş etdirmək və gələcəyiniz üçün mühüm addım atmaq məqsədilə sizi Nyu-Yorkda görməyi səbirsizliklə gözləyirik!

Hörmətlə,
Copernicus Olimpiadası Komitəsi