FISO

FUTURE INTELLIGENCE STUDENTS OLYMPIAD

Riyaziyyat • İngilis dili • IQ  |  2026–2027-ci tədris ili

1. Yarışma haqqında ümumi məlumat

Future Intelligence Students Olympiad (FISO) şagirdlərin müxtəlif fənlər üzrə bilik, analitik düşünmə və problem həll etmə bacarıqlarını beynəlxalq səviyyədə sınamalarına imkan yaradan təhsil yarışmasıdır. Azərbaycan seçim mərhələsi 2026–2027-ci tədris ilində Riyaziyyat, İngilis dili və IQ fənləri üzrə təşkil olunur.

Yarışmanın əsas məqsədi şagirdlərin məktəb biliklərini praktik və məntiqi tapşırıqlarda tətbiq etməsini, diqqət və çevik düşünmə bacarıqlarını inkişaf etdirməsini, eyni zamanda beynəlxalq yarış təcrübəsi qazanmasını təmin etməkdir.

Seçim mərhələsində yüksək nəticə göstərən iştirakçılar Dubayda keçiriləcək FISO beynəlxalq final mərhələsində Azərbaycanı təmsil etmək imkanı əldə edəcəklər.

2. İmtahan cədvəli

Qeyd: Riyaziyyat və İngilis dili imtahanları eyni saatda keçirildiyi üçün iştirakçı qeydiyyat zamanı bu iki fəndən birini seçməlidir. İştirakçı əlavə olaraq saat 15:00-da keçirilən IQ imtahanına qatıla bilər.

3. Keçirilmə məkanları və şəxsi kabinet

İmtahanlar Bakı, Gəncə, Sumqayıt və Naxçıvan şəhərlərində təşkil olunacaq. Dəqiq imtahan binası, zal, qeydiyyat saatı və digər təşkilati məlumatlar imtahana 1 həftə qalmış iştirakçının şəxsi kabinetində yerləşdiriləcək.

·  İştirakçı şəxsi kabinetini mütəmadi yoxlamalıdır.

·  Şəxsi kabinetdə göstərilən şəhər, məkan, tarix və saat məlumatlarına əsasən imtahana gəlməlidir.

·  İmtahan yerinin iştirakçının qeydiyyat zamanı seçdiyi şəhər daxilində dəyişdirilməsi təşkilatçının səlahiyyətindədir.

4. Mərhələlər və iştirak qaydası

·  Mərhələ sayı: 2 mərhələ — Azərbaycan seçim mərhələsi və beynəlxalq final.

·  Seçim mərhələsi: Azərbaycan — Bakı, Gəncə, Sumqayıt və Naxçıvan.

·  Final mərhələsi: Dubay, Birləşmiş Ərəb Əmirlikləri.

·  İştirakçılar: 1-ci sinifdən 11-ci sinfə qədər şagirdlər.

·  Sual növü: çoxseçimli test tapşırıqları.

·  Keçirilmə forması: sinif və kateqoriyalar üzrə fərdi iştirak.

5. Kateqoriyalar

6. Fənlər üzrə qiymətləndirmə

Birdən çox cavab işarələnmiş sual səhv cavab kimi qiymətləndirilir. Cavab kartında heç bir variant işarələnməyən sual cavabsız hesab olunur.

7. Mükafatlandırma və final mərhələsi

İştirak sertifikatı seçim mərhələsində iştirak edən bütün şagirdlərə təqdim olunur. Mükafatlar hər fənn və kateqoriya üzrə nəticələr əsasında ayrıca müəyyən edilir.

Yüksək nəticə göstərən iştirakçılar Dubayda keçiriləcək beynəlxalq final mərhələsində iştirak etmək imkanı əldə edirlər. Final mərhələsinin tarixləri, proqramı, iştirak paketi və ödəniş şərtləri ayrıca elan olunur.

8. Nəticələrin elan olunması və apellyasiya

·  Nəticələr imtahandan sonra 3 gün ərzində şəxsi kabinetdə yerləşdirilir.

·  İştirakçı şəxsi kabinetində ümumi balını, düzgün, səhv və cavabsız sualların sayını görə bilər.

·  Nəticələr açıqlandıqdan sonra şəxsi kabinetdə apellyasiya bölməsi 12–24 saat müddətində aktiv olur.

·  Apellyasiya müraciətində sual nömrəsi və etirazın əsaslandırılması aydın şəkildə qeyd edilməlidir.

·  Apellyasiya prosesi yekunlaşdıqdan sonra təsdiqlənmiş nəticə və mükafat məlumatı şəxsi kabinetdə göstərilir.

·  Elektron sertifikatlar şəxsi kabinetdən yüklənir. Medal və fiziki sertifikatların təqdim olunma qaydası mükafatlandırma mərasimi ilə bağlı elanda açıqlanır.

9. Bütün fənlər üçün vahid imtahan qaydaları

·  İştirakçı imtahan məkanına şəxsi kabinetdə göstərilən qeydiyyat saatından gec olmayaraq gəlməlidir.

·  İmtahan zalında mobil telefon, ağıllı saat, planşet, qulaqcıq və digər elektron cihazlardan istifadə qadağandır.

·  İştirakçı ona təqdim edilən sual kitabçasının fənnini və kateqoriyasını imtahan başlamazdan əvvəl yoxlamalıdır.

·  Cavablar yalnız mavi rəngli diyircəkli qələmlə cavab kartında işarələnməlidir.

·  Hər suala yalnız bir cavab seçilməlidir. Birdən çox cavab işarələnərsə, həmin sual səhv hesab olunur.

·  Nəzarətçidən sualın həlli, mənası və ya düzgün cavabı ilə bağlı izah istəmək olmaz.

·  İştirakçılar bir-birinə kömək edə, cavab ötürə və ya digər iştirakçıdan ləvazimat ala bilməzlər.

·  Köçürmə, cavab paylaşma və imtahanın gedişinə mane olan davranış diskvalifikasiya ilə nəticələnə bilər.

·  İmtahanın ilk 30 dəqiqəsi ərzində zalı tərk etmək qadağandır. Zalı tərk edən iştirakçı yenidən buraxılmır.

·  İmtahan başa çatdıqda cavab kartı nəzarətçiyə təhvil verilməlidir.

·  İş nömrəsi, ad, soyad və kateqoriya cavab kartına düzgün daxil edilməlidir. Yanlış məlumatlara görə məsuliyyət iştirakçıya aiddir.

·  İmtahan suallarının foto və ya videosunu çəkmək, yaymaq və üçüncü şəxslərlə paylaşmaq qadağandır.

10. Geri ödəniş siyasəti

Qeydiyyat ödənişləri geri qaytarılmır. Aşağıdakı hallarda təqdim olunan sənədlər əsasında ödənişin başqa imtahana keçirilməsi nəzərdən keçirilə bilər:

·  Sağlamlıq səbəbi ilə iştirak mümkün olmadıqda rəsmi tibbi arayış təqdim edilməsi;

·  Fövqəladə hal və ya təbii fəlakət səbəbindən imtahanda iştirakın mümkün olmaması.

11. Nümunə suallar və sillabuslar

Nümunə suallar və fənn proqramları ilə tanış olmaq üçün aşağıdakı rəsmi keçidlərdən istifadə edin:

12. Əlaqə məlumatları

13. İmtahan günü üçün yoxlama siyahısı

Təşkilati qeyd: Global Olympiad Center iştirakçı sayı, təhlükəsizlik tələbləri, ölkə üzrə keçirilən iri tədbirlər və digər zəruri təşkilati səbəblər olduqda imtahan məkanını və ya saatını dəyişmək hüququnu özündə saxlayır. Dəyişiklik olduqda məlumat şəxsi kabinet vasitəsilə təqdim edilir.

Final haqqında qarşıdakı aylarda məlumat veriləcək!