🌍 Dünyanın ən böyük İngilis dili olimpiadası —
HIPPO 2026 Regional Final Bakıda
Seçim turunda uğur qazan — 31 ölkədən gələn iştirakçılarla birlikdə Bakıda keçiriləcək Regional Finalda iştirak et və İtaliyada baş tutacaq Grand Finala vəsiqə qazan!
GİRİŞ
🌍 HIPPO – English Without Borders
16-cı Beynəlxalq İngilis Dili Olimpiadası
HIPPO təşkilatı tərəfindən keçirilən “16th HIPPO English Without Borders” — dünya üzrə ən böyük beynəlxalq ingilis dili olimpiadalarından biridir. Bu müsabiqə 6–19 yaş arası şagirdlər üçün nəzərdə tutulmuş və məqsədi gənclərin dil bacarıqlarını, özünəinamını və mədəniyyətlərarası ünsiyyət qabiliyyətini inkişaf etdirməkdir.
HIPPO beynəlxalq olimpiadası İtaliyada yaradılmış, qeyri-kommersiya əsaslı (non-profit) bir təhsil təşəbbüsüdür. Təşkilat fəaliyyətini təhsil dəyərlərinə və inklüzivliyə əsaslanaraq həyata keçirir, məqsədi isə ingilis dilini sadəcə öyrətmək deyil, onu dünya vətəndaşlığına aparan bir körpü kimi təqdim etməkdir.
HIPPO proqramı İtaliya və Avropa təhsil strukturlarına uyğun şəkildə tənzimlənmiş və yerli təhsil qurumları, bələdiyyələr, eləcə də İtaliya Təhsil Nazirliyi ilə əməkdaşlıq edən regional mərkəzlər tərəfindən dəstəklənir.
2026-cı ildə HIPPO olimpiadası 82-dən çox ölkədə keçiriləcək. Dünyanın hər yerindən minlərlə şagird seçim və regional mərhələlərdə iştirak edərək İtaliyada keçiriləcək Grand Finala vəsiqə qazanmaq imkanı əldə edəcək.
Gatehouse Awards – HIPPO-nun beynəlxalq akkreditasiya tərəfdaşı
HIPPO-nun rəsmi qiymətləndirmə və sertifikatlaşdırma tərəfdaşı Böyük Britaniyada yerləşən Gatehouse Awards (GA) təşkilatıdır.
Gatehouse Awards, İngiltərənin Ofqual (Office of Qualifications and Examinations Regulation) qurumu tərəfindən rəsmi akkreditə olunmuş beynəlxalq qiymətləndirmə və imtahan orqanıdır. Bu akkreditasiya GA-nın imtahanlarının İngiltərə dövlət təhsil standartlarına tam uyğun aparıldığını və onun sertifikatlarının dünya üzrə tanındığını təsdiqləyir.
Gatehouse Awards beynəlxalq miqyasda fəaliyyət göstərən, İngiltərə, Avropa, Asiya və Yaxın Şərq ölkələrində təhsil qurumları tərəfindən etibar edilən bir imtahan şəbəkəsidir. Onun təqdim etdiyi imtahanlar CEFR (Common European Framework of Reference for Languages) standartlarına əsaslanır və bu, Avropanın, eləcə də bir çox ölkənin universitetləri və işə qəbul sistemləri tərəfindən tanınır.
GA-nın verdiyi sertifikatlar sadəcə bir imtahan nəticəsi deyil — bu sənəd, şagirdin dil biliklərini və beynəlxalq səviyyədə ünsiyyət bacarığını rəsmi olaraq təsdiqləyən sənəddir. Bu sertifikatlar Cambridge, IELTS, Trinity College London kimi digər tanınmış qurumların imtahanlarına bərabər səviyyədə qəbul edilir.
Gatehouse Awards ilə əməkdaşlıq HIPPO-nun akademik etibarlılığını daha da artırır. Bu tərəfdaşlıq nəticəsində HIPPO imtahanları dünyanın hər yerində eyni standartlarla keçirilir, nəticələrin obyektivliyi və beynəlxalq tanınması təmin olunur.
Beləliklə, HIPPO – sadəcə bir olimpiada deyil, Avropa təhsil dəyərlərinə əsaslanan, İtaliyada formalaşmış və Böyük Britaniyanın rəsmi akkreditə orqanı Gatehouse Awards ilə əməkdaşlıq edən beynəlxalq bir təhsil platformasıdır. Bu olimpiadada iştirak edən şagirdlər, həm dil biliklərini inkişaf etdirir, həm də gələcək təhsil və karyera yolunda dünya səviyyəsində tanınan bir sertifikat əldə edirlər.
📜 MÜSABİQƏNİN QAYDALARI VƏ STRUKTURU
HIPPO 2026 – Azərbaycan Seçim Mərhələsi
International English Without Borders Olympiad
🗓 Seçim mərhələsinin tarixi və məkanları
Azərbaycan, HIPPO-nun Greater Middle East & Central Asia regionuna daxildir və seçim turu bu regionun rəsmi təqviminə uyğun olaraq keçiriləcəkdir.
Bu mərhələ ölkə üzrə ilkin seçim (Preliminary Round) mərhələsidir və qaliblər Milli Finala, oradan isə Regional Finala (Bakı, Azərbaycan) və Grand Finala (Assisi, İtaliya) vəsiqə qazanacaqlar.
🧠 Kateqoriyalar və yaş qrupları
HIPPO imtahanı 12 beynəlxalq kateqoriya üzrə keçirilir – 7 regular və 5 special (bilingv məktəblər üçün). Kateqoriyalar CEFR (Common European Framework of Reference for Languages) səviyyələrinə uyğun müəyyənləşdirilib.
🏷 HIPPO 2026 – KATEQORİYALAR VƏ İZAHLARI
HIPPO 2026 olimpiadası şagirdlərin yaşına, sinfinə və məktəb tipinə uyğun olaraq iki əsas kateqoriya üzrə təşkil olunur:
1️⃣ Adi (Regular) Kateqoriyalar
2️⃣ Xüsusi (Special) Kateqoriyalar
📘1️⃣ Adi (Regular) Kateqoriyalar
Bu kateqoriyalar ümumi dövlət və özəl məktəblərdə təhsil alan şagirdlər üçündür.
Yəni dərsləri əsasən Azərbaycan və ya rus bölməsində keçən, ingilis dilini ikinci dil kimi öyrənən şagirdlər bu qrupa daxildir.
Adi\Regular kateqoriyalar üzrə sinif bölgüsü:
Sinif | Hippo Kateqoriyası |
1 – 2 | Baby Hippo |
3 – 4 | Little Hippo |
5 – 6 | Hippo 1 |
7 | Hippo 2 |
8 – 9 | Hippo 3 |
10 – 11 | Hippo 4 |
12 – 13 | Hippo 5 |
İzah: Bu kateqoriyada iştirak edən şagirdlər üçün imtahan tapşırıqları əsas kommunikativ və qrammatik bacarıqları ölçür. Məqsəd – ingilis dilini ikinci və ya xarici dil kimi öyrənən uşaqların səviyyəsini müəyyən etməkdir.
🏅 2️⃣ Xüsusi (Special) Kateqoriyalar
Bu kateqoriyalar ingilis dilində təhsil alan, yəni dərsləri tam və ya qismən ingilis dilində keçən məktəblərin şagirdləri üçündür.
Bura bilingv (iki dilli məktəblər), beynəlxalq məktəblər və Cambridge / IB proqramı üzrə təhsil alan şagirdlər daxildir.
Special kateqoriyalar üzrə sinif bölgüsü:
Sinif | Hippo Kateqoriyası |
1 – 2 | Baby Hippo |
3 – 4 | Little Hippo |
5 – 6 | Hippo S1 |
7 | Hippo S2 |
8 – 9 | Hippo S3 |
10 – 11 | Hippo S4 |
12 – 13 | Hippo S5 |
İzah:
Bu kateqoriya üzrə imtahan sualları daha yüksək dil səviyyəsinə malik şagirdlər üçün nəzərdə tutulub.
Çünki bu şagirdlər gündəlik dərslərdə ingilis dilindən əsas tədris dili kimi istifadə edirlər. Suallar akademik söz ehtiyatı, oxu anlayışı və qrammatik dərinlik baxımından bir qədər çətindir.
🧠 SEÇİM TURU – İMTAHAN STRUKTURU
İmtahan iki hissədən ibarətdir:
1️⃣ Oxu Mətni Anlama (Reading Comprehension) – Gatehouse Awards tərəfindən hazırlanır.
2️⃣ İngilis Dili Qrammatika və Leksika (Use of English – Multiple Choice) – HIPPO təşkilatı tərəfindən hazırlanır.
📘 Adi kateqoriyalar (Regular)
Kateqoriya | Oxu mətni (Sual / Bal) | İngilis dili (Sual / Bal) | Oxu vaxt limiti | İngilis dili vaxt limiti | Ümumi vaxt |
Baby Hippo | 30 sual (hər biri 1 bal) | 20 sual (hər biri 1.5 bal) | 20 dəq | 20 dəq | 40 dəq |
Little Hippo | 30 sual (hər biri 1 bal) | 20 sual (hər biri 1.5 bal) | 20 dəq | 20 dəq | 40 dəq |
Hippo 1 | 30 sual (hər biri 1 bal) | 20 sual (hər biri 1.5 bal) | 30 dəq | 20 dəq | 50 dəq |
Hippo 2 | 34 sual (hər biri 1 bal) | 20 sual (hər biri 1.5 bal) | 30 dəq | 20 dəq | 50 dəq |
Hippo 3 | 34 sual (hər biri 1 bal) | 20 sual (hər biri 1.5 bal) | 30 dəq | 20 dəq | 50 dəq |
Hippo 4 | 34 sual (hər biri 1 bal) | 20 sual (hər biri 1.5 bal) | 40 dəq | 30 dəq | 70 dəq |
Hippo 5 | 40 sual (hər biri 1 bal) | 20 sual (hər biri 1.5 bal) | 45 dəq | 30 dəq | 75 dəq |
🏅 Xüsusi kateqoriyalar (Special – Bilingv və Beynəlxalq məktəblər üçün)
Kateqoriya | Oxu mətni (Sual / Bal) | İngilis dili (Sual / Bal) | Oxu vaxt limiti | İngilis dili vaxt limiti | Ümumi vaxt |
Hippo S1 | 34 sual (hər biri 1 bal) | 20 sual (hər biri 1.5 bal) | 30 dəq | 20 dəq | 50 dəq |
Hippo S2 | 34 sual (hər biri 1 bal) | 20 sual (hər biri 1.5 bal) | 30 dəq | 20 dəq | 50 dəq |
Hippo S3 | 34 sual (hər biri 1 bal) | 20 sual (hər biri 1.5 bal) | 40 dəq | 30 dəq | 70 dəq |
Hippo S4 | 40 sual (hər biri 1 bal) | 20 sual (hər biri 1.5 bal) | 45 dəq | 30 dəq | 75 dəq |
Hippo S5 | 40 sual (hər biri 1 bal) | 20 sual (hər biri 1.5 bal) | 45 dəq | 30 dəq | 75 dəq |
📄 Əlavə qeydlər
Hər iki bölmənin cavabları OMR (Optik Cavab Tanıma) vərəqində qeyd olunur.
İmtahan materialları yalnız imtahan günü iştirakçıların qarşısında açılır.
Hər düzgün cavab 1 və ya 1.5 bal ilə qiymətləndirilir. Mənfi bal yoxdur.
Ümumi nəticə “Reading” və “Use of English” hissələrinin cəmi ilə hesablanır.
HİPPO SUAL NÜMUNƏLƏRİ: https://hippo-thecontest.org/sample-papers/
📊 Seçim Turunun Nəticələrinin Elan Olunması
📅 Nəticələrin açıqlanma tarixi:
Seçim turu (Preliminary Round) nəticələri imtahandan təxminən 2–3 həftə sonra, yəni 2026-cı il aprel ayının son həftəsində elan olunacaq.
🧾 Nəticələrin təqdimatı
Bütün nəticələr rəsmi HIPPO portalı və Global Olympiad Center (GOC) vasitəsilə elan ediləcək.
Məktəblər və müəllimlər nəticələri onlayn sistemdən (kodla giriş vasitəsilə) əldə edə biləcəklər.
Hər bir iştirakçıya rəsmi iştirak sertifikatı təqdim olunacaq.
Kateqoriyalar üzrə ən yüksək nəticə göstərən iştirakçılar Milli Finala (National Round) vəsiqə qazanacaqlar.
📢 Nəticələrin baxışı və qaydalar haqqında məlumat
İmtahan nəticələri rəsmi HIPPO veb-saytında (www.hippo-thecontest.org) elan ediləcək.
Valideynlər və iştirakçılar nəticələrə yalnız HIPPO-nun rəsmi sistemi vasitəsilə baxa biləcəklər.
Qeyd:
Nəticələr GOC sistemində görünməyəcək, çünki imtahanın yoxlanılması və qiymətləndirilməsi Böyük Britaniyanın Gatehouse Awards qurumunun beynəlxalq standartlarına əsasən aparılır.
Gatehouse Awards qaydalarına görə —
İmtahandan sonra düzgün və səhv cavablar açıqlanmır.
Şagird yalnız ümumi topladığı balı görə bilər.
Hansı suala düzgün, hansına səhv cavab verdiyi barədə məlumat paylaşılmır.
Bu, Gatehouse Awards tərəfindən müəyyən edilmiş beynəlxalq imtahan siyasətidir və IELTS, Cambridge, Pearson, Trinity College London kimi digər tanınmış İngilis dili imtahanlarının tətbiq etdiyi eyni prinsipə əsaslanır.
Bu qayda bütün ölkələrdə olduğu kimi, HIPPO imtahanlarına da şamil edilir və dəyişdirilə bilməz. Bu yanaşma, imtahanların obyektivliyini, təhlükəsizliyini və beynəlxalq etibarlılığını qorumağa xidmət edir.
🏅 Növbəti mərhələyə keçid
Hər kateqoriya üzrə ən yüksək nəticə toplayan 10–15% iştirakçı Milli Finala vəsiqə qazanır.
Milli Final qalibləri Regional Final (Bakı) mərhələsinə seçiləcək.
Regional Finalda birinci yeri tutan şagirdlər İtaliyada keçiriləcək Grand Finalda Azərbaycanı təmsil edəcəklər.
✅ MİLLİ FİNAL — AZƏRBAYCAN
✅ Regional FİNAL — AZƏRBAYCAN
Bu mərhələlər haqqında məlumat imtahandan öncə təqdim olunacaq.
💳 Geri ödəniş prosesi haqqında:
Geri Ödəniş Siyasəti:
Sağlamlıq problemləri ilə bağlı tibbi arayış təqdim edildikdə.
Fövqəladə hallar və ya təbii fəlakətlər səbəbindən iştirakın mümkünsüz olduğu hallar.
