02.02.2025-ci il tarixində ABŞ-ın, New York ştatında yerləşən Kolumbiya Universiteti tərəfindən təşkil olunan Beynəlxalq Kopernik Olimpiadasının riyaziyyat üzrə ölkə mərhələsi başa çatıb. Olimpiada Bakıda, Sumqayıtda, Gəncədə və Naxçıvanda təşkil olunub. 3-11-ci sinif şagirdləri 70 dəqiqə ərzində 25 sualı cavablandırıblar. Belə ki, 1-ci kateqoriya üzrə 577, 2-ci kateqoriya üzrə 687, 3-cü katqoriya üzrə 483, 4-cü kateqoriya üzrə 258, 5-ci kateqoriya üzrə 65 nəfər finala vəsiqə uğurunda mübarizə aparıb.
04.02.2025-ci il tarxində şagirdlərin ilkin nəticələri 15:00-da elan olunacaq. Həmin saatdan etibarən apellyasiya prosesi aktivləşəcək və 24 saat ərzində hər hansı sualla bağlı şikayətiniz olarsa, şəxsi kabinetdən müraciət edə bilərsiz. Müraciətlər 24 saatdan sonra nəzərdən keçiriləcək. Ekspert heyəti tərəfindən müraciətlərə baxıldıqdan sonra, ölkə üzrə medalçılar müəyyənləşdirilərək elan olunacaq. Qeyd edək ki, mükafatlandırma mərasimi fevralın 8-də Nizami Kino Mərkəzində təşkil olunacaq.