Antalya Beynəlxalq Riyaziyyat Olimpiadasının Azərbaycan mərhələsi uğurla təşkil olunub. Olimpiada Bakıda - Bakı Biznes Universitetində, Sumqayıtda - Sumqayıt Dövlət Universitetində, Naxçıvanda - Naxçıvan Texniki Peşə və Sürücülük Məktəbinin binasında təşkil olunub. 5-11-ci siniflərdə təhsil alan şagirdlər 90 dəqiqə ərzində 20 suala cavab verib. Belə ki, 5-ci sinif üzrə 235, 6-cı sinif 280, 7-ci sinif 195, 8-ci sinif 136, 9-cu sinif 62, 10-cu sinif 78, 11-ci sinif üzrə isə 55 nəfər iştirak edib.
Valideynlərin nəzərinə çatdırmaq istəyirik ki, 14.01.2024-cü il saat 12:00-da nəticələr açıqlanacaq. İlkin nəticələrdən sonra apellyasiyaya start veriləcək. 24 saat ərzində hansı sualla bağlı şikayətiniz olarsa, şəxsi kabinetdən müraciət edə bilərsiniz. Müraciətlər 24 saat sonra nəzərdən keçiriləcək. Ekspert heyəti müraciətlərə baxdıqdan sonra, ölkə üzrə medalçılar müəyyən ediləcək.
