Beynəlxalq Kopernik Olimpiadasının Natural Sciences (Təbiət Elmləri) üzrə finalı başa çatıb.

ABŞ-ın Hyuston şəhərində 5-10 yanvar tarixlərində keçirilən final mərhələsində komandamız möhtəşəm nəticələrlə yadda qalıb. Təmsil olunan 14 şagirdimiz müxtəlif kateqoriyalarda yüksək uğurlar əldə edərək ümumilikdə 11 medal və 2 fəxri fərman qazanıb. Azərbaycanlı şagirdlər qazandıqları uğurlarla ölkəmizi komandalar hesabında birinci yerə yüksəldiblər. 

Natural Sciences üzrə Dünya çempionu adına layiq görülərək yaş kateqoriyaları üzrə birinci yeri qazanan şagirdlərimizdən Ziya NovruzsoyAylin Aşurlu komandamızın ən yüksək nəticəsini göstəriblər. Dünya üzrə ikinci yer Mətanət Mustafayevaya, üçüncü yer isə Esma Nadirzadəyə məxsusdur.

Gümüş medallara Atilla Musayev, Fatimə Əzimova və Yusif Yusifli,
bürünc medallara isə Fərrux Rəhimli, Məhəmmədhəsən Əzimov, Zəhra Əzimova və Mikayıl Əhmədbəyli layiq görülüb.

Bundan əlavə, Fərrux Məhərrəmli və Xurşudbanu Abbaslı fəxri fərman, İsa İsmayılzadə isə iştirak sertifikatı qazanıb.

Olimpiada çərçivəsində şagirdlərimiz Rice Universiteti ilə tanış olub, Hyustonda yerləşən Natural Sciences Muzeyinə baş çəkib və NASA-da təşkil olunan xüsusi vorkşopda iştirak ediblər. Şagirdlərimiz burada kiçik raketlər hazırlayıb və ulduzları müşahidə ediblər. NASA-da olan şagirdlərimiz beynəlxalq səviyyəli tanınmış alimlərlə tanış olub və elmi müzakirələr aparıblar.

Bu uğurda şagirdlərin ailələrinin və təhsil aldıqları məktəblərin böyük dəstəyi olduğunu xüsusilə vurğulamaq istəyirik. Gənclərimizin inkişafına və beynəlxalq səviyyədə uğur qazanmasına verdikləri töhfəyə görə məktəblərinə və müəllimlərinə Global Olimpiad Center adından dərin təşəkkürümüzü bildiririk.

Əziz şagirdlərimizi təbrik edir və onlara elmi yolda yeni zirvələr arzulayırıq!