ABŞ-da şagirdlərimizdən 4 qızıl, 4 gümüş,6 bürünc medal!

Azərbaycanlı şagirdlər ABŞ-ın Hyuston şəhərində keçirilən Fizika-Astronomiya və Təbiət Elmləri üzrə Beynəlxalq Kopernik Olimpiadasında böyük uğur əldə ediblər.

Olimpiadanın final mərhələsi 5-10 yanvar tarixlərində Rice Universitetində təşkil olunub və dünyanın müxtəlif ölkələrindən təxminən 300 şagird iştirak edib. Azərbaycanlı şagirdlər bu çətin elmi yarışda yüksək nəticələr göstərərək müxtəlif mükafatlar qazanıblar.

Ümumilikdə, final mərhələsində Azərbaycanı 18 şagird təmsil edib: onlardan 4-ü Fizika və Astronomiya, 14-ü isə Təbiət Elmləri üzrə mübarizə aparıb. Şagirdlərimiz dünyanın müxtəlif ölkələrindən gələn iştirakçılarla rəqabət apararaq bilik və bacarıqlarını nümayiş etdiriblər.

Olimpiada çərçivəsində şagirdlərimiz Rice Universiteti ilə tanış olublar. Onlar Hyustonda yerləşən Natural Sciences Muzeyinə baş çəkiblər və NASA-da təşkil olunan xüsusi vorkşopda iştirak ediblər. Şagirdlərimiz burada kiçik raketlər hazırlayıb və ulduzları müşahidə ediblər. NASA-da olan şagirdlərimiz beynəlxalq səviyyəli tanınmış alimlərlə tanış olub və elmi müzakirələr aparıblar.


Azərbaycanlı şagirdlərimizin göstərdiyi nəticələr aşağıdakı kimdir:

Medal Qazananlar:

  • Qızıl Medallar:

    • Ziya Novruzsoy (Yaş kateqoriyası üzrə dünya çempionu)

    • Aylin Ashurlu (Yaş kateqoriyası üzrə dünya çempionu)

    • Matanat Mustafayeva (Dünya üzrə ikinci yer)

    • Esma Nadirzade (Dünya üzrə üçüncü yer)

  • Gümüş Medallar:

    • Atilla Musayev

    • Fatima Azimova

    • Yusif Yusifli

    • Jamila Farajova

  • Bürünc Medallar:

    • Farrukh Rahimli

    • Mahammadhasan Azimov

    • Zahra Azimova

    • Mikayil Ahmadbayli

    • Uzeyir Israfilzade

    • Rustam Yaradanguliyev

  • Fəxri Fərman:

    • Farrukh Maharramli

    • Khurshudbanu Abbasli

    • Khadija Gahramanova

  • İştirak Sertifikatı:

    • Isa Ismayilzada

Qeyd etmək lazımdır ki, Azərbaycanlı şagirdlərdən dörd nəfər dünya sıralamasında ən yüksək yerləri qazanıb. Ziya Novruzsoy və Aylin Ashurlu dünya çempionu, Matanat Mustafayeva dünya üzrə ikinci, Esma Nadirzade isə dünya üzrə üçüncü yerə layiq görülüblər.

Şagirdlərimiz 13 yanvar tarixində Bakıya geri dönəcəklər. Onları Havalimanında təmtəraqlı qarşılama məraismi gözləyir.