STEMCO - Beynəlxalq STEAM  Yarışması

🗓 Tədbirin Tarixi:

18 aprel 2026, 11:00

📍 Keçirilmə Məkanı:

Odlar Yurdu Universiteti
Sumqayıt Dövlət Universiteti

❓ Kimlər iştirak edə bilər?

1-ci sinifdən 11-ci sinifə qədər hər kəs iştirak edə bilər

☎️ Təcili Əlaqə üçün Məsul Şəxs:

Ləman Əlizadə  –  Telefon: +994 50 224 51 40

📘 Olimpiada haqqında ümumi məlumat:

STEMCO (Science, Technology, Engineering, Mathematics Competition) – STEM sahələrində (Elm, Texnologiya, Mühəndislik və Riyaziyyat) yüksək intellektual potensiala sahib olan gəncləri bir araya gətirən, Sinqapurun beynəlxalq səviyyədə tanınmış elmi olimpiadasıdır.

Yarışmanın ən önəmli xüsusiyyətlərindən biri də onun rəsmi olaraq Sinqapur Universiteti ilə əməkdaşlıq çərçivəsində həyata keçirilməsidir. Bu tərəfdaşlıq STEMCO-nun elmi əsaslarını və akademik nüfuzunu daha da gücləndirir. Yarışın əsas mərhələləri və qiymətləndirmə sistemi birbaşa universitetin elmi heyəti ilə koordinasiya olunur, bu isə iştirakçılara ciddi akademik mühitdə öz biliklərini sınamaq imkanı verir.

Bu olimpiada, gənclərə STEM sahələrində bilik və bacarıqlarını nümayiş etdirmək, qlobal səviyyədə rəqabət aparmaq və özlərini beynəlxalq elmi ictimaiyyətdə tanıtmaq fürsəti təqdim edir.

STEMCO iştirakçılarda:

• yaradıcı düşüncə və problemləri çoxsahəli yanaşma ilə həll etmək bacarığını,

• tədqiqat və analitik təhlil vərdişlərini,

• beynəlxalq səviyyədə elmi təqdimat və rəqabət qabiliyyətini inkişaf etdirir.
  
  

Yarışma aşağıdakı sahələri əhatə edir:

• Elm (fizika, kimya, biologiya),

• Texnologiya (proqramlaşdırma, informasiya texnologiyaları),

• Mühəndislik (mexaniki və elektrik mühəndisliyi),

• Riyaziyyat (nəzəriyyə və tətbiqlər).
  
  

STEMCO, elmə əsaslanan gələcək qurmaq istəyən hər bir gənc üçün əhəmiyyətli bir addım və beynəlxalq elmi platformada tanınmaq üçün unikal fürsətdir.

🧩 İmtahan strukturu və mərhələlər:

• Mərhələ sayı: Seçim və Final mərhələsi

• Seçim mərhələsi: Azərbaycan

• Final mərhələsi: Sinqapur

• Sual növləri: Çoxvariantlı

• Keçirilmə formatı: Kategoriyalara əsasən 

📊 Qiymətləndirmə meyarları:

• Hər düzgün suala verilən bal: 4 bal

• Səhv cavaba görə silinən bal: 1 bal

Yazılmayan suallara verilən bal və ya silinən bal: 0 bal

🏅 Mükafatlandırma:

İştirak sertifikatı, topladığı balların sayından asılı olmayaraq, ilkin turun bütün iştirakçılarına veriləcəkdir.

• Topladığı baldan asılı olmayaraq, İlkin Turun bütün iştirakçıları İştirak Sertifikatı alacaqlar.

• Qlobal raundda iştirak hüququ qazanan tələbələr İlkin Raund imtahanında topladıqları bala uyğun olaraq Nailiyyət Sertifikatı və medalla təltif olunacaqlar.

• Top 30% -  Fəxri Fərman Sertifikatı

• Top 15% - Bürünc medal + finala vəsiqə

• Top 10% - Gümüş Medal + finala vəsiqə

• Top 5% - Qızıl Medal + finala vəsiqə

Qeyd: Final ilə bağlı suallarınız üçün +994503714280 - Əli Mirzəyev nömrəsi ilə əlaqə saxlaya bilərsiniz. 

📢 Nəticələrin elan olunması:

• İştirakçılar ödəniş etdikdən sonra şəxsi kabinetlərinə daxil olurlar. İmtahandan 1 həftə öncə şəxsi kabinetdə imtahan məkanı və vaxtı görünəcəkdir. İştirakçılar mütəmadi olaraq bunu yoxlamalıdırlar.

• İmtahan günü, çoxvariantlı olimpiadalarda imtahandan3 gün ərzindənəticələr şəxsi kabinetdə görünəcəkdir. İştirakçılar öz ballarını, neçə doğru və yanlış cavab verdiklərini, hansı suallara düzgün və ya səhv cavab verdiklərini görə biləcəklər.

• Nəticələr açıqlandıqdan sonra şəxsi kabinetdə Apellyasiya müraciəti aktivləşir. İştirakçılar burada öz ad, soyadlarını, kateqoriyalarını qeyd edir və hansı suallar üzrə şikayətləri varsa, sual nömrələrini yazırlar (məsələn, 4, 5, 7, 11, 25-ci suallar). Daha sonra şikayətlərinin səbəblərini ətraflı şəkildə izah etməlidirlər. Açıqlama bölməsində, şikayətin məzmunu, sualların hansı aspektinin düzgün hesab edilmədiyi və əlavə dəlillər varsa, onlar qeyd olunmalıdır. Bu, şikayətin daha dəqiq və ədalətli şəkildə dəyərləndirilməsinə kömək edir.

• Apellyasiya prosesi 24 saat, bəzən isə 12 saat ərzində aktiv olur. Bu müddət bitdikdən sonra ekspert heyəti sualları nəzərdən keçirir və şikayətlərin nə qədər doğru və ya yanlış olduğunu müəyyənləşdirir. Buna uyğun olaraq qərarlar qəbul edilir və nəticələrdə əks olunur.

• Apellyasiya prosesi bitdikdən sonra, nəticələr yenidən açıqlanır və iştirakçıların hansı medalı qazandığı sistemdə görünür. Bundan sonra mükafatlandırma mərasimi haqqında məlumat şəxsi kabinetdə təqdim olunur.

• Mükafatlandırma mərasimi günü medal alan şəxslər medallarını və sertifikatlarını yalnız mərasimdə ala bilərlər. Mərasimdə iştirak etməyənlər isə medallarını həmin həftə ərzində ofisdən ala bilərlər. Sertifikatlar onlayn olaraq şəxsi kabinetdə mövcud olacaq.

• Fəxri fərman və iştirakçı sertifikatları yalnız şəxsi kabinetdən əldə edilə bilər.

Qeyd: Olimpiadanın və ya yarışmanın öncədən təyin olunmuş gün və saatı dəyişmə halı Global Olympiad Center tərəfdə qalır. GOC ölkə ərazisində baş vermiş hər hansı bir böyük tədbir və yaxud da iştirakçı sayına görə imtahanın məkan və saatını dəyişə bilər.

📌 İmtahan qaydaları və nizam-intizam:

Nümayəndə sizə başla dediyi zaman:

•   Şagirdlərə heç bir elektron cihazdan istifadə etməyə icazə verilmir.

•    İmtahana başlamazdan öncə verilmiş kitabçanızla tanış olun. İmtahan başladıqdan sonra kitabçanın yanlış olaraq sizə verilməsi bildirdiyiniz halda qəbul edilməyəcək, bu məsuliyyəti şagird daşıyır.

•   Şagirdlər cavabları, cavab kartına əlavə etmək üçün diyircəkli göy qələmdən(ruçka) istifadə edə bilərlər.

•   Hər suala yalnız bir cavab verilməlidir. Birdən çox cavab verilən sual səhv cavab kimi dəyərləndirilir.

•   Şagirdlər hər hansı bir məsələnin mənası və yaxud sualın məğzi ilə bağlı otaq nümayəndəsindən soruşa bilməzlər.

•   Şagirdlər imtahan zamanı heç bir yardım göstərməməli və ya almamalıdırlar. Hər hansı bir fırıldaqçılıq, başqalarına fırıldaqçılıqda kömək etmək, bu və ya bu cür uyğun olmayan davranışlara cəlb etmək ciddi pozuntudur və bir qayda olaraq diskvalifikasiyaya (xaric edilmə) səbəb olur.

• Şagirdlər bir-birindən ləvazimat istəyə bilməzlər. Yalnız öz qələm, silgi və digər vasitələrinizdən istifadə etməlisiniz.

•  İlk 30 dəqiqə ərzində imtahan zalından çıxmaq qadağandır. Zalı tərk edənlər yenidən imtahana buraxılmayacaqlar.

•  İmtahan zalını tərk etməzdən əvvəl cavab kağızınızı nəzarətçiyə təhvil verməyi unutmayın.

•  İmtahan sualları sizə öncədən təqdim olunmuş sillabuslar əsasında hazırlanmışdır.

•  Sizə verilmiş iş nömrənizi və ad soyadınızı cavab kartına düzgün şəkildə daxil edin. Əks halda cavablar açıqlananda düzgün olmayan nəticələrlə rastlaşa bilərsiniz. Bundan sadəcə şagird cavabdehdir.

💳 Geri ödəniş prosesi haqqında:

Geri Ödəniş Siyasəti:

• Ödənişlər əsaslı səbəb olmadan geri qaytarılmır. Qeydiyyat ödənişlərinin geri qaytarılması üçün xüsusi şərtlər və qaydalar aşağıda göstərilib.  

• Aşağıdakı hallarda geri ödənişlər nəzərə alınacaq:

1. Sağlamlıq problemləri ilə bağlı tibbi arayış təqdim edildikdə.

2. Fövqəladə hallar və ya təbii fəlakətlər səbəbindən iştirakın mümkünsüz olduğu hallar.

❓ Nümunə suallar və silabuslar:

Suallara baxmaq üçün və sillabusla tanış olmaq üçün linkə tıklayın:  

https://drive.google.com/drive/folders/1QYrkwc_-KYoSBE7ap253WPM-8dpa3b7F?usp=sharing 

STEMCO (Science, Technology, Engineering, Mathematics Competition) Yarışı STEM sahələrində (Elm, Texnologiya, Mühəndislik və Riyaziyyat) yüksək səviyyədə bilik və bacarıqları olan gəncləri bir araya gətirən beynəlxalq yarışdır. Bu yarışın final mərhələsi 2026-cı ildə Sinqapurda keçiriləcək.

Final turu STEM sahələrində fərqlənən şagirdlər üçün öz bilik və bacarıqlarını beynəlxalq səviyyədə nümayiş etdirmək, müxtəlif ölkələrdən olan iştirakçılarla tanış olmaq və qlobal elmi mühitə inteqrasiya olmaq üçün unikal fürsət təqdim edir. Yarışın sonunda iştirakçılar beynəlxalq sertifikatlar və mükafatlarla təltif olunacaq.