FISO - Beynəxalq Yarışması

FISO IQ

🗓 Tədbirin Tarixi:

24 yanvar 2026, 11:00

📍 Keçirilmə Məkanı:

• Bakı Biznes Universiteti 

• Sumqayıt Dövlət Universiteti

• Naxçıvan 

  Gəncə -Gəncə Dünya Məktəbi

❓ Kimlər iştirak edə bilər?

1-ci sinifdən 11-ci sinifə qədər hər kəs iştirak edə bilər

☎️ Təcili Əlaqə üçün Məsul Şəxs:

Ləman Əlizadə  –  Telefon: +994 50 224 51 40

📘 Yarışma haqqında ümumi məlumat:

"FiSO" şagirdlərin Riyaziyyat, İngilis, Məntiq, Kimiya, Fizika, Biologiya və İncəsənət kimi müxtəlif sahələrdə bilik və bacarıqlarını sınayıb inkişaf etdirmələri üçün nəzərdə tutulmuş beynəlxalq bir yarışmadır. Yarışma, tələbələrin elm və təhsil sahələrində öz potensiallarını kəşf etmələrinə və gələcəkdə bu sahələrdə uğur qazanmağa hazırlıq görmələrinə imkan yaradır. İştirakçılar, həm milli həm də beynəlxalq mərhələlərdə öz bilik və bacarıqlarını nümayiş etdirə bilərlər. Bu Yarışma, təhsilin bütün aspektlərini əhatə edən və tələbələrin intellektual inkişafına töhfə verən mühüm bir platformadır.
FISO-ya qoşulmaqla, övladınızda:

1. Kritik düşünmə və problemləri həll etmə bacarıqlarını inkişaf edəcək, şagirdin analitik düşünmə və kompleks problem həll etmə qabiliyyətini gücləndirəcək;

2. FISO, dünyanın hər bir yerində eyni maraqları olan uşaqlarla tanış olma və qurma imkanı yaradır, bu sosial bacarıqların və dünyəvi bilikləri genişlənməsinə kömək edəcək.

3. Yarışmada uğur qazanacaq şagirdlərimizdə elmə marağı artacaq, dərslər üzrə keyfiyyətini artıracaq və onun təhsil həyatında mühüm bir nailiyyət olaraq qalacaq.

4. FISO-da qazanılan uğurlar, övladınızın gələcəkdəki təhsil və karyera seçimində, universitet qəbulunda mühüm bir seçim olacaq.

5. Yarışma, övladınızda özünü təqdim etmə bacarğını formalaşdırır.

🧩 İmtahan strukturu və mərhələlər:

• Mərhələ sayı: Seçim və Final mərhələsi

• Seçim mərhələsi: Azərbaycan

• Final mərhələsi: Dubai

• Sual növləri: Çoxvariantlı 

• Keçirilmə formatı: Kategoriyalara əsasən 

    📊 Qiymətləndirmə meyarları:

• Hər düzgün suala verilən bal: 4 bal

• Səhv cavaba görə silinən bal: 1 bal

Yazılmayan suallara verilən bal və ya silinən bal: 0 bal

🏅 Mükafatlandırma:

İştirak sertifikatı, topladığı balların sayından asılı olmayaraq, ilkin turun bütün iştirakçılarına veriləcəkdir.

•  20% -  Fəxri Mention Sertifikatı

• 15% - Bürünc medal

• 10% - Gümüş Medal

• 5% - Qızıl Medal 

Qeyd: Final ilə bağlı suallarınız üçün +994503714280 - Əli Mirzəyev nömrəsi ilə əlaqə saxlaya bilərsiniz.

📢 Nəticələrin elan olunması:

• İştirakçılar ödəniş etdikdən sonra şəxsi kabinetlərinə daxil olurlar. İmtahandan 1 həftə öncə şəxsi kabinetdə imtahan məkanı və vaxtı görünəcəkdir. İştirakçılar mütəmadi olaraq bunu yoxlamalıdırlar.

• İmtahan günü, çoxvariantlı Yarışmalarda imtahandan3 gün ərzindənəticələr şəxsi kabinetdə görünəcəkdir. İştirakçılar öz ballarını, neçə doğru və yanlış cavab verdiklərini, hansı suallara düzgün və ya səhv cavab verdiklərini görə biləcəklər.

• Nəticələr açıqlandıqdan sonra şəxsi kabinetdə Apellyasiya müraciəti aktivləşir. İştirakçılar burada öz ad, soyadlarını, kateqoriyalarını qeyd edir və hansı suallar üzrə şikayətləri varsa, sual nömrələrini yazırlar (məsələn, 4, 5, 7, 11, 25-ci suallar). Daha sonra şikayətlərinin səbəblərini ətraflı şəkildə izah etməlidirlər. Açıqlama bölməsində, şikayətin məzmunu, sualların hansı aspektinin düzgün hesab edilmədiyi və əlavə dəlillər varsa, onlar qeyd olunmalıdır. Bu, şikayətin daha dəqiq və ədalətli şəkildə dəyərləndirilməsinə kömək edir.

• Apellyasiya prosesi 24 saat, bəzən isə 12 saat ərzində aktiv olur. Bu müddət bitdikdən sonra ekspert heyəti sualları nəzərdən keçirir və şikayətlərin nə qədər doğru və ya yanlış olduğunu müəyyənləşdirir. Buna uyğun olaraq qərarlar qəbul edilir və nəticələrdə əks olunur.

• Apellyasiya prosesi bitdikdən sonra, nəticələr yenidən açıqlanır və iştirakçıların hansı medalı qazandığı sistemdə görünür. Bundan sonra mükafatlandırma mərasimi haqqında məlumat şəxsi kabinetdə təqdim olunur.

• Mükafatlandırma mərasimi günü medal alan şəxslər medallarını və sertifikatlarını yalnız mərasimdə ala bilərlər. Mərasimdə iştirak etməyənlər isə medallarını həmin həftə ərzində ofisdən ala bilərlər. Sertifikatlar onlayn olaraq şəxsi kabinetdə mövcud olacaq.

• Fəxri fərman və iştirakçı sertifikatları yalnız şəxsi kabinetdən əldə edilə bilər.

Qeyd: Yarışmanın və ya yarışmanın öncədən təyin olunmuş gün və saatı dəyişmə halı Global Olympiad Center tərəfdə qalır. GOC ölkə ərazisində baş vermiş hər hansı bir böyük tədbir və yaxud da iştirakçı sayına görə imtahanın məkan və saatını dəyişə bilər.

📌 İmtahan qaydaları və nizam-intizam:

Nümayəndə sizə başla dediyi zaman:

• Şagirdlərə heç bir elektron cihazdan istifadə etməyə icazə verilmir.

• İmtahana başlamazdan öncə verilmiş kitabçanızla tanış olun. İmtahan başladıqdan sonra kitabçanın yanlış olaraq sizə verilməsi bildirdiyiniz halda qəbul edilməyəcək, bu məsuliyyəti şagird daşıyır.

• Şagirdlər cavabları, cavab kartına əlavə etmək üçün diyircəkli göy qələmdən(ruçka) istifadə edə bilərlər.

• Hər suala yalnız bir cavab verilməlidir. Birdən çox cavab verilən sual səhv cavab kimi dəyərləndirilir.

• Şagirdlər hər hansı bir məsələnin mənası və yaxud sualın məğzi ilə bağlı otaq nümayəndəsindən soruşa bilməzlər.

• Şagirdlər imtahan zamanı heç bir yardım göstərməməli və ya almamalıdırlar. Hər hansı bir fırıldaqçılıq, başqalarına fırıldaqçılıqda kömək etmək, bu və ya bu cür uyğun olmayan davranışlara cəlb etmək ciddi pozuntudur və bir qayda olaraq diskvalifikasiyaya (xaric edilmə) səbəb olur.

• Şagirdlər bir-birindən ləvazimat istəyə bilməzlər. Yalnız öz qələm, silgi və digər vasitələrinizdən istifadə etməlisiniz.

• İlk 30 dəqiqə ərzində imtahan zalından çıxmaq qadağandır. Zalı tərk edənlər yenidən imtahana buraxılmayacaqlar.

• İmtahan zalını tərk etməzdən əvvəl cavab kağızınızı nəzarətçiyə təhvil verməyi unutmayın.

• İmtahan sualları sizə öncədən təqdim olunmuş sillabuslar əsasında hazırlanmışdır.

• Sizə verilmiş iş nömrənizi və ad soyadınızı cavab kartına düzgün şəkildə daxil edin. Əks halda cavablar açıqlananda düzgün olmayan nəticələrlə rastlaşa bilərsiniz. Bundan sadəcə şagird cavabdehdir.

💳 Geri ödəniş prosesi haqqında:

Geri Ödəniş Siyasəti:

• Ödənişlər geri qaytarılmır. 

• Aşağıdakı hallarda ödəniş başqa imtahan ilə əvəz olunur:

1. Sağlamlıq problemləri ilə bağlı tibbi arayış təqdim edildikdə.

2. Fövqəladə hallar və ya təbii fəlakətlər səbəbindən iştirakın mümkünsüz olduğu hallar.

❓ Nümunə suallar və silabuslar:

Suallara baxmaq üçün və sillabusla tanış olmaq üçün linkə tıklayın:  

https://drive.google.com/drive/folders/1Qwn4yA6O3PpvtY7w-FrcnLOQmd7l56-P?usp=sharing 

FISO Məntiq Yarışı, şagirdlərin məntiqi təfəkkürünü, analitik və yaradıcı düşünmə bacarıqlarını ölçmək məqsədi daşıyan beynəlxalq səviyyəli yarışdır. Bu yarış riyazi məntiq, nümunə tanıma, problem həll etmə və informasiyanın strukturlaşdırılması kimi sahələrdə şagirdlərin düşüncə çevikliyini qiymətləndirir.

2026-cı ildə FISO Məntiq Yarışının final turu Dubayda, dünyanın müxtəlif ölkələrindən seçilmiş iştirakçıların iştirakı ilə keçiriləcək. Bu mərhələyə qədər uğurla irəliləmiş şagirdlər beynəlxalq səviyyədə tanınan testlər üzərində yarışaraq öz intellektual bacarıqlarını nümayiş etdirəcəklər.

Final turunda fərqlənən iştirakçılar qızıl, gümüş və bürünc medallarla yanaşı, xüsusi mükafatlara da layiq görüləcəklər. FISO Məntiq Yarışı yalnız bir bilik yarışı deyil, həm də şagirdlərin özlərini tanımaları, qlobal düşünmə tərzi qazanmaları və müxtəlif ölkələrdən olan həmyaşıdları ilə dostluq əlaqələri qurmaq üçün unikal fürsətdir.