Azərbaycanda 19 aprel tarixində FISO riyaziyyat olimpiadasının seçim turu təşkil olunacaq.
FISO Riyaziyyat Yarışması müxtəlif səviyyələrdə iştirakçıların riyazi biliklərini, məntiqi düşünmə və problem həll etmə bacarıqlarını beynəlxalq miqyasda sınayan qlobal bir platformadır. Yarışma proqramı əsas riyazi əməliyyatlardan başlayaraq cəbr, həndəsə, ehtimal nəzəriyyəsi, kombinasiyalar, ədədlər nəzəriyyəsi və kalkulus kimi mövzuları əhatə edir.
Məqsəd yalnız nəzəri bilikləri yoxlamaq deyil, həm də iştirakçıların analitik düşünmə, məntiqi əlaqələr qurma, yaradıcı həll yolları tapma və riyaziyyatı real həyatda tətbiq etmə bacarıqlarını inkişaf etdirməkdir. FISO, iştirakçılara beynəlxalq arenada rəqabət aparmaq, fərqli ölkələrdən həmyaşıdlarla təcrübə mübadiləsi aparmaq və elmə olan marağını daha da gücləndirmək imkanı yaradır.
Bu yarışma gənc beyinlərin riyaziyyata sevgisini möhkəmləndirən, onları daha yüksək hədəflərə yönəldən və gələcəyin elmi uğurlarına zəmin hazırlayan mühüm bir təcrübədir.
FISO Riyaziyyat Olimpiadasının Mexanizmləri
FISO Riyaziyyat Olimpiadası beynəlxalq bir tədbirdir və 1-ci sinifdən 11-ci sinifə qədər olan şagirdlər üçün açıqdır. Olimpiada iki mərhələdən ibarətdir - İlkin Mərhələ və Qlobal Mərhələ. Şagirdlər Global Olympiad Centerin veb saytı vasitəsilə qeydiyyatdan keçə bilərlər. Qeydiyyatdan keçən bütün iştirakçılar üçün 13 aprel 2025-ci il tarixlərində seçmə imtahanı keçiriləcəkdir. Seçmə imtahan 60 dəqiqə ərzində 25 çoxseçimli sualdan ibarət olacaq. Şagirdlər aid olduqları kateqoriyaya uyğun olaraq seçmə imtahanını seçməlidirlər. Kateqoriyalar aşağıdakı kimidir:
- Kateqoriya 1: 1-ci siniflər
- Kateqoriya 2: 2-ci siniflər
- Kateqoriya 3: 3-cü və 4-cü siniflər
- Kateqoriya 4: 5-ci və 6-cı siniflər
- Kateqoriya 5: 7-ci və 8-ci siniflər
- Kateqoriya 6: 9-cu və 10-cu siniflər
- Kateqoriya 7: 11-ci siniflər
SEÇİM TURUNUN İMTAHAN STRUKTURU HAQQINDA QAYDALAR
Yaş qrupları:
2025-2026 tədris ili üçün 1-ci sinifdən 11-ci sinifə qədər olan bütün şagirdlər iştirak edə bilərlər. Olimpiada hər il Dubayda təşkil olunur.
Kateqoriyalar:
Şagirdlər 2025-2026 tədris ilinə əsasən kateqoriya seçirlər. Məsələn, 2024-2025 tədris ilində 6-cı sinfi bitirən bir şagird növbəti il üçün "7-ci sinif" kateqoriyasında iştirak etməlidir.Yəni bu il üçün qeydiyyatı 7-cü sinif olmalıdır.
İştirakçılar:
- Kateqoriya 1: 1-ci siniflər
- Kateqoriya 2: 2-ci siniflər
- Kateqoriya 3: 3-cü və 4-cü siniflər
- Kateqoriya 4: 5-ci və 6-cı siniflər
- Kateqoriya 5: 7-ci və 8-ci siniflər
- Kateqoriya 6: 9-cu və 10-cu siniflər
- Kateqoriya 7: 11-ci siniflər
Qeyd: Siniflər bu ilin sentyabrında gedəcəkləri siniflər olaraq qəbul edilir.
İmtahan strukturu:
Sualların ümumi sayı: 25
- Bölmələr və qiymətləndirmə:
- 1 düzgün cavaba verilən bal: 4
- 1 səhv cavaba görə silinən bal: 1
- Yazılmayan suala görə bal verilmir və ya silinmir.
İbtidai, orta və yuxarı siniflər (1-11-ci siniflər): 60 dəqiqə
Ümumi bal hesablanması:
25*4=100 bal
Qeydlər:
Sinif şagirdləri kateqoriyalar üzrə eyni imtahanı verəcək və nəticələrə əsasən ümumi sıralamada iştirak edəcəklər.
Seçim turu üçün mükafatlar:
İxtisas imtahanında ən azı 30% bal toplayan şagirdlər qlobal tura vəsiqə qazanırlar.
İştirak sertifikatı, topladığı balların sayından asılı olmayaraq, ilkin turun bütün iştirakçılarına veriləcəkdir.
Dünya turuna vəsiqə qazanan tələbələr ilkin imtahanda aldıqları qiymətə uyğun olaraq performans sertifikatı və medalla təltif olunacaqlar.
- 30% - Fəxri Fərman Sertifikatı
- 25% - Bürünc medal
- 15% - Gümüş Medal
- 5% - Qızıl Medal
Seçim turu təqvim:
- Qeydiyyat bitiş tarixi: 17.04.2026
- Olimpiada günü: 19.04.2026
- Olimpiada müddəti: 60 dəq
- Olimpiada başlama saatı: təlimatda qeyd olunub
Future Intelligence Students Olympiad (FISO) riyaziyyat olimpiadasında iştirak edən tələbələr üçün bir neçə mühüm üstünlük mövcuddur. Bu yarışmada iştirak edən şagirdlər, riyaziyyat sahəsində dərin bilik və bacarıqlar əldə edərək, analitik düşünmə qabiliyyətlərini inkişaf etdirirlər. Eyni zamanda, bu cür beynəlxalq olimpiadalarda iştirak etməklə, dünya səviyyəsində tanınmışlıq və uğurlu performansları ilə əlaqədar müxtəlif mükafat və sertifikatlarla təltif olunur. Bu mükafatlar və sertifikatlar, onların təhsil həyatında əlavə üstünlük yaradır və gələcəkdə təhsil müəssisələrinə qəbul prosesində, habelə akademik və peşəkar sahələrdə daha geniş imkanlar əldə etmələrinə kömək edir. FISO-nun təqdim etdiyi bu imkanlar, şagirdlərin həmçinin problem həll etmə bacarıqlarını artıraraq, onları gələcəkdə daha kompleks və çətin problemlərlə üzləşməyə hazırlayır.
