COPERNİCUS MATH - Amerikanın Beynəlxalq Riyaziyyat Olimpiadası

 🗓 Tədbirin Tarixi:

8 fevral 2026, 11:00

📍 Keçirilmə Məkanları:

• Bakı Biznes Universiteti 

• Gəncə Dünya Məktəbi

• Sumqayıt Dövlət Universiteti 

• Naxçıvan 

❓ Kimlər iştirak edə bilər?

3-cü sinifdən 11-ci sinifə qədər hər kəs iştirak edə bilər

☎️ Təcili Əlaqə üçün Məsul Şəxs:

Ləman Əlizadə  –  Telefon: +994 50 224 51 40

Sual nümunələri səhifənin sonunda yer alıb.

📘 Olimpiada haqqında ümumi məlumat:

Bugünkü sürətlə dəyişən dünyada riyaziyyat, insan tərəqqisinin və texnoloji inkişafın arxasındakı əsas intellektual təməl daşlarından biridir. Riyaziyyat – məntiqin dili, strukturun simvolu və kainatın qanunauyğunluqlarını anlamağa aparan körpüdür.

Copernicus Riyaziyyat Olimpiadası, riyaziyyatın bu çoxşaxəli gücünü şagirdlərə təqdim edən beynəlxalq səviyyədə tanınmış və nüfuzlu bir platformadır. Bu Olimpiada yalnız bilik yoxlamır – o, analitik düşünmə, məntiqi qərarvermə və yaradıcı yanaşma bacarıqlarını inkişaf etdirir. Hər il Copernicus Riyaziyyat Olimpiadasının final mərhələsi, dünyanın ən nüfuzlu ali təhsil ocaqlarından biri olan Kolumbiya Universitetində (Columbia University, USA) təşkil olunur. Bu fakt özü olimpiadanın akademik çəkisini və qlobal nüfuzunu sübut edir. Şagirdlər dünyanın ən ağıllı yaşıdları ilə eyni məkanda biliklərini sınamaq, özlərini beynəlxalq elmi mühitdə sınamaq fürsəti qazanırlar. Copernicus Olimpiadasının nəticələri, bir çox yüksək reytinqli universitetlər tərəfindən təqaüd və qəbul proseslərində rəsmi göstərici kimi qəbul edilir. Bu olimpiadada müvəffəqiyyət qazanan şagirdlər gələcək akademik həyatlarında mühüm üstünlüklər əldə edirlər.

Riyaziyyat – sadəcə riyazi düsturlar və hesablamalar deyil, dünyanı anlamağın və dəyişməyin alətidir. Copernicus Riyaziyyat Olimpiadası isə bu güclü alətin necə işlədiyini öyrədən qapıdır.

Bu Olimpiada, gələcəyin mühəndisləri, alimləri və liderlərini formalaşdırmaq üçün yaradılıb. Sən də bu beynəlxalq səviyyəli imkanın bir parçası ol və öz riyazi potensialını dünyaya göstər!

🧩 İmtahan strukturu və mərhələlər:

• Mərhələ sayı: Seçim və Final mərhələsi

• Seçim mərhələsi: Azərbaycan

• Final mərhələsi: ABŞ 29 İYUL - 2 AVQUST, Kalumbiya Universiteti

• Sual növləri: Çoxvariantlı

• Maksimum bal: 100

• Sual sayı: 20 

• İmtahan müddəti: 75 dəqiqə

• Keçirilmə formatı: Kategoriyalara əsasən 

📊 Qiymətləndirmə meyarları:

• Hər düzgün suala verilən bal: 

İlk 5 sual - 4 bal

• Bir Səhv cavab 1 bal silir 

Sonrakı 10 sual - 5 bal

• Bir Səhv cavab 2 bal silir 

Son 5 sual - 6 bal

• Bir Səhv cavab 3 bal silir

Yazılmayan suallara verilən bal və ya silinən bal: 0 bal

🏅 Mükafatlandırma:

İştirak sertifikatı, topladığı balların sayından asılı olmayaraq, ilkin turun bütün iştirakçılarına veriləcəkdir.

•  40 baldan  49 bala qədər fəxri fərman

•  50 baldan 74 bala qədər bürünc medal

•  75 baldan 90 bala qədər gümüş medal + Qlobal Turu qeydiyyatına 5% endirim

•  91 baldan 100 bala qədər qızıl medal + Global Turun qeydiyyatdan 10% endirim

Qeyd: Final ilə bağlı suallarınız üçün +994503714280 - Əli Mirzəyev nömrəsi ilə əlaqə saxlaya bilərsiniz. 

📢 Nəticələrin elan olunması:

• İştirakçılar ödəniş etdikdən sonra şəxsi kabinetlərinə daxil olurlar. İmtahandan 1 həftə öncə şəxsi kabinetdə imtahan məkanı və vaxtı görünəcəkdir. İştirakçılar mütəmadi olaraq bunu yoxlamalıdırlar.

• İmtahan günü, çoxvariantlı olimpiadalarda imtahandan3 gün ərzindənəticələr şəxsi kabinetdə görünəcəkdir. İştirakçılar öz ballarını, neçə doğru və yanlış cavab verdiklərini, hansı suallara düzgün və ya səhv cavab verdiklərini görə biləcəklər.

• Nəticələr açıqlandıqdan sonra şəxsi kabinetdə Apellyasiya müraciəti aktivləşir. İştirakçılar burada öz ad, soyadlarını, kateqoriyalarını qeyd edir və hansı suallar üzrə şikayətləri varsa, sual nömrələrini yazırlar (məsələn, 4, 5, 7, 11, 25-ci suallar). Daha sonra şikayətlərinin səbəblərini ətraflı şəkildə izah etməlidirlər. Açıqlama bölməsində, şikayətin məzmunu, sualların hansı aspektinin düzgün hesab edilmədiyi və əlavə dəlillər varsa, onlar qeyd olunmalıdır. Bu, şikayətin daha dəqiq və ədalətli şəkildə dəyərləndirilməsinə kömək edir.

• Apellyasiya prosesi 24 saat, bəzən isə 12 saat ərzində aktiv olur. Bu müddət bitdikdən sonra ekspert heyəti sualları nəzərdən keçirir və şikayətlərin nə qədər 

doğru və ya yanlış olduğunu müəyyənləşdirir. Buna uyğun olaraq qərarlar qəbul edilir və nəticələrdə əks olunur.

• Apellyasiya prosesi bitdikdən sonra, nəticələr yenidən açıqlanır və iştirakçıların hansı medalı qazandığı sistemdə görünür. Bundan sonra mükafatlandırma mərasimi haqqında məlumat şəxsi kabinetdə təqdim olunur.

• Mükafatlandırma mərasimi günü medal alan şəxslər medallarını və sertifikatlarını yalnız mərasimdə ala bilərlər. Mərasimdə iştirak etməyənlər isə medallarını həmin həftə ərzində ofisdən ala bilərlər. Sertifikatlar onlayn olaraq şəxsi kabinetdə mövcud olacaq.

• Fəxri fərman və iştirakçı sertifikatları yalnız şəxsi kabinetdən əldə edilə bilər.

Qeyd: Olimpiadanın və ya yarışmanın öncədən təyin olunmuş gün və saatı dəyişmə halı Global Olympiad Center tərəfdə qalır. GOC ölkə ərazisində baş vermiş hər hansı bir böyük tədbir və yaxud da iştirakçı sayına görə imtahanın məkan və saatını dəyişə bilər.

📌 İmtahan qaydaları və nizam-intizam:

Nümayəndə sizə başla dediyi zaman:

• Şagirdlərə heç bir elektron cihazdan istifadə etməyə icazə verilmir.

•  İmtahana başlamazdan öncə verilmiş kitabçanızla tanış olun. İmtahan başladıqdan sonra kitabçanın yanlış olaraq sizə verilməsi bildirdiyiniz halda qəbul edilməyəcək, bu məsuliyyəti şagird daşıyır.

• Şagirdlər cavabları, cavab kartına əlavə etmək üçün diyircəkli göy qələmdən(ruçka) istifadə edə bilərlər.

• Hər suala yalnız bir cavab verilməlidir. Birdən çox cavab verilən sual səhv cavab kimi dəyərləndirilir.

• Şagirdlər hər hansı bir məsələnin mənası və yaxud sualın məğzi ilə bağlı otaq nümayəndəsindən soruşa bilməzlər.

• Şagirdlər imtahan zamanı heç bir yardım göstərməməli və ya almamalıdırlar. Hər hansı bir fırıldaqçılıq, başqalarına fırıldaqçılıqda kömək etmək, bu və ya bu cür uyğun olmayan davranışlara cəlb etmək ciddi pozuntudur və bir qayda olaraq diskvalifikasiyaya (xaric edilmə) səbəb olur.

• Şagirdlər bir-birindən ləvazimat istəyə bilməzlər. Yalnız öz qələm, silgi və digər vasitələrinizdən istifadə etməlisiniz.

• İlk 30 dəqiqə ərzində imtahan zalından çıxmaq qadağandır. Zalı tərk edənlər yenidən imtahana buraxılmayacaqlar.

• İmtahan zalını tərk etməzdən əvvəl cavab kağızınızı nəzarətçiyə təhvil verməyi unutmayın.

• İmtahan sualları sizə öncədən təqdim olunmuş sillabuslar əsasında hazırlanmışdır.

• Sizə verilmiş iş nömrənizi və ad soyadınızı cavab kartına düzgün şəkildə daxil edin. Əks halda cavablar açıqlananda düzgün olmayan nəticələrlə rastlaşa bilərsiniz. Bundan sadəcə şagird cavabdehdir.

💳 Geri ödəniş prosesi haqqında:

Geri Ödəniş Siyasəti:

• Ödənişlər geri qaytarılmır. 

• Aşağıdakı hallarda ödəniş başqa imtahan ilə əvəz olunur:

1. Sağlamlıq problemləri ilə bağlı tibbi arayış təqdim edildikdə.

2. Fövqəladə hallar və ya təbii fəlakətlər səbəbindən iştirakın mümkünsüz olduğu hallar.

Suallara baxmaq üçün və sillabusla tanış olmaq üçün linkə tıklayın:  

https://drive.google.com/drive/folders/1i3Z82u2v1EJcI4ph7jW_UBhrt6-t22Iv?usp=sharing