USA ENGLISH Olympiad

🗓 Tədbirin Tarixi:

26 oktyabr 2025, 11:00

📍 Keçirilmə Məkanı:

• Bakı Biznes Universiteti 

• Gəncə - Gəncə Dünya Məktəbi

• Sumqayıt  - Sumqayıt Dövlət Universiteti

• Naxçıvan -

❓ Kimlər iştirak edə bilər?

3-cü sinifdən 11-ci sinifə qədər hər kəs iştirak edə bilər

☎️ Təcili Əlaqə üçün Məsul Şəxs:

Ləman Əlizadə  –  Telefon: +994 50 224 51 40

📘 Olimpiada haqqında ümumi məlumat:

Olympiad USA İngilis Dili Olimpiadası

İngilis dili təkcə bir ünsiyyət vasitəsi deyil — o, qloballaşan dünyanın elmi, texnoloji və mədəni inkişaflarını daşıyan əsas dildir. Olympiad USA, bu dilin gücünü dərk edən şagirdlər üçün nəzərdə tutulmuş beynəlxalq bir yarışmadır. Yarışma ingilis dili vasitəsilə düşünmək, anlamaq və ifadə etmək bacarıqlarını ölçməyi hədəfləyir.

Olimpiadanın rəsmi fəxri prezidenti, NASA ilə uzun illər əməkdaşlıq etmiş tanınmış alim Dr. Kumar Krishendir. Onun elmi irsi və beynəlxalq təhsil sahəsindəki töhfələri bu yarışmaya dərin ilham qatır.

“İngilis dili təkcə kommunikasiya deyil, elmi tərəqqinin və kəşfin qlobal dilidir.”
— Dr. Kumar Krishen

Olympiad USA, ingilis dilinə məntiq, analiz və yaradıcı yanaşmanı təşviq edən düşüncə platformasıdır. Yarışma vasitəsilə iştirakçılar qlobal bilik dünyasına açılan bir qapıdan keçirlər.

🧩 İmtahan strukturu və mərhələlər:

• Mərhələ sayı: Seçim və Final mərhələsi

• Seçim mərhələsi: Azərbaycan

• Final mərhələsi: USA Hyuton, Rise Univeristeti

• Sual növləri: Çoxvariantlı 

• Keçirilmə formatı: Kategoriyalara əsasən 

      📊 Qiymətləndirmə meyarları:

• Hər düzgün suala verilən bal: 

• 1-10-ci suallar 3 bal

• 11-20-ci suallar 4 bal

• 21-30-cu suallar isə 5 bal 

  31-35-ci suallar isə 6 bal

• Səhv cavaba görə silinən bal: 0 bal

• Yazılmayan suallara verilən bal və ya silinən bal: 0 bal

🏅 Mükafatlandırma:

İştirak sertifikatı, topladığı balların sayından asılı olmayaraq, ilkin turun bütün iştirakçılarına veriləcəkdir.

• 40-49 faiz : Fəxri Fərman Sertifikatı

• 50-74 faiz : Bürünc Medal

• 75-90 faiz : Gümüş Medal + Qlobal Raund qeydiyyat haqqına 5% endirim

• 91-100 faiz: Qızıl Medalı + Qlobal Raund qeydiyyat haqqına 10% endirim

Qeyd: Final ilə bağlı suallarınız üçün +994503714280 - Əli Mirzəyev nömrəsi ilə əlaqə saxlaya bilərsiniz.

📢 Nəticələrin elan olunması:

• İştirakçılar ödəniş etdikdən sonra şəxsi kabinetlərinə daxil olurlar. İmtahandan 1 həftə öncə şəxsi kabinetdə imtahan məkanı və vaxtı görünəcəkdir. İştirakçılar mütəmadi olaraq bunu yoxlamalıdırlar.

• İmtahan günü, çoxvariantlı olimpiadalarda imtahandan3 gün ərzindənəticələr şəxsi kabinetdə görünəcəkdir. İştirakçılar öz ballarını, neçə doğru və yanlış cavab verdiklərini, hansı suallara düzgün və ya səhv cavab verdiklərini görə biləcəklər.

• Nəticələr açıqlandıqdan sonra şəxsi kabinetdə Apellyasiya müraciəti aktivləşir. İştirakçılar burada öz ad, soyadlarını, kateqoriyalarını qeyd edir və hansı suallar üzrə şikayətləri varsa, sual nömrələrini yazırlar (məsələn, 4, 5, 7, 11, 25-ci suallar). Daha sonra şikayətlərinin səbəblərini ətraflı şəkildə izah etməlidirlər. Açıqlama bölməsində, şikayətin məzmunu, sualların hansı aspektinin düzgün hesab edilmədiyi və əlavə dəlillər varsa, onlar qeyd olunmalıdır. Bu, şikayətin daha dəqiq və ədalətli şəkildə dəyərləndirilməsinə kömək edir.

• Apellyasiya prosesi 24 saat, bəzən isə 12 saat ərzində aktiv olur. Bu müddət bitdikdən sonra ekspert heyəti sualları nəzərdən keçirir və şikayətlərin nə qədər doğru və ya yanlış olduğunu müəyyənləşdirir. Buna uyğun olaraq qərarlar qəbul edilir və nəticələrdə əks olunur.

• Apellyasiya prosesi bitdikdən sonra, nəticələr yenidən açıqlanır və iştirakçıların hansı medalı qazandığı sistemdə görünür. Bundan sonra mükafatlandırma mərasimi haqqında məlumat şəxsi kabinetdə təqdim olunur.

• Mükafatlandırma mərasimi günü medal alan şəxslər medallarını və sertifikatlarını yalnız mərasimdə ala bilərlər. Mərasimdə iştirak etməyənlər isə medallarını həmin həftə ərzində ofisdən ala bilərlər. Sertifikatlar onlayn olaraq şəxsi kabinetdə mövcud olacaq.

• Fəxri fərman və iştirakçı sertifikatları yalnız şəxsi kabinetdən əldə edilə bilər.

Qeyd: Olimpiadanın və ya yarışmanın öncədən təyin olunmuş gün və saatı dəyişmə halı Global Olympiad Center tərəfdə qalır. GOC ölkə ərazisində baş vermiş hər hansı bir böyük tədbir və yaxud da iştirakçı sayına görə imtahanın məkan və saatını dəyişə bilər.

📌 İmtahan qaydaları və nizam-intizam:

Nümayəndə sizə başla dediyi zaman:

•   Şagirdlərə heç bir elektron cihazdan istifadə etməyə icazə verilmir.

•    İmtahana başlamazdan öncə verilmiş kitabçanızla tanış olun. İmtahan başladıqdan sonra kitabçanın yanlış olaraq sizə verilməsi bildirdiyiniz halda qəbul edilməyəcək, bu məsuliyyəti şagird daşıyır.

•   Şagirdlər cavabları, cavab kartına əlavə etmək üçün diyircəkli göy qələmdən(ruçka) istifadə edə bilərlər.

•   Hər suala yalnız bir cavab verilməlidir. Birdən çox cavab verilən sual səhv cavab kimi dəyərləndirilir.

•   Şagirdlər hər hansı bir məsələnin mənası və yaxud sualın məğzi ilə bağlı otaq nümayəndəsindən soruşa bilməzlər.

•   Şagirdlər imtahan zamanı heç bir yardım göstərməməli və ya almamalıdırlar. Hər hansı bir fırıldaqçılıq, başqalarına fırıldaqçılıqda kömək etmək, bu və ya bu cür uyğun olmayan davranışlara cəlb etmək ciddi pozuntudur və bir qayda olaraq diskvalifikasiyaya (xaric edilmə) səbəb olur.

• Şagirdlər bir-birindən ləvazimat istəyə bilməzlər. Yalnız öz qələm, silgi və digər vasitələrinizdən istifadə etməlisiniz.

•  İlk 30 dəqiqə ərzində imtahan zalından çıxmaq qadağandır. Zalı tərk edənlər yenidən imtahana buraxılmayacaqlar.

•  İmtahan zalını tərk etməzdən əvvəl cavab kağızınızı nəzarətçiyə təhvil verməyi unutmayın.

•  İmtahan sualları sizə öncədən təqdim olunmuş sillabuslar əsasında hazırlanmışdır.

•  Sizə verilmiş iş nömrənizi və ad soyadınızı cavab kartına düzgün şəkildə daxil edin. Əks halda cavablar açıqlananda düzgün olmayan nəticələrlə rastlaşa bilərsiniz. Bundan sadəcə şagird cavabdehdir.

2026-cı ildə (iyul ayı) USA Olimpiadasının final turu ənənəyə sadiq qalaraq yenidən ABŞ-ın Texas ştatında yerləşən Rice Universitetində təşkil olunacaq. Bu nüfuzlu ali təhsil ocağı bir daha dünyanın müxtəlif ölkələrindən gələn ən istedadlı şagirdləri bir araya gətirəcək.

İştirakçıları yüksək səviyyəli təşkilatçılıq, güclü rəqabət və unudulmaz elmi-mədəni təcrübə gözləyir. Bu mərhələ, gənclərin özlərini beynəlxalq səviyyədə sınamaları və gələcək karyeralarına möhkəm təməl qoymaları üçün ideal platformadır.