Wonderland Adventures Worldwide
Dil öyrənmənin sirlərini kəşf et!
Wonderland Adventures Worldwide HİPPO (WAW) beynəlxalq səviyyədə keçirilən, təhsildə inqilabi yanaşma gətirən bir yarışmadır. İngilis dilini öyrənmə prosesini oyunlaşdırma vasitəsilə əyləncəli bir macəraya çevirən WAW, 5-19 yaş aralığındakı şagirdlərə dil bacarıqlarını təkmilləşdirmək üçün geniş imkanlar yaradır. Bu yarış şagirdləri passiv öyrənicidən aktiv iştirakçıya çevirir və dil öyrənmə prosesini əsl macəra dolu təcrübəyə çevirir.
Yarış Kanada tərəfindən təşkil olunur və dünya miqyasında böyük maraq görərək, bu il 33 ölkədən minlərlə iştirakçının qatıldığı beynəlxalq bir platformaya çevrilib. Wonderland, hər bir yaş və ingilis dili səviyyəsinə uyğun xüsusi proqramlarla şagirdlərə dil bacarıqlarını əyləncəli şəkildə inkişaf etdirmək imkanı verir. Yarışda iştirak edən hər bir şagird oyun şəklində keçirilən tapşırıqlar vasitəsilə xal toplayır, beynəlxalq lider lövhəsində yer qazanır və dil üzrə bilik səviyyəsini dünya standartlarına uyğun bir şəkildə artırır.
WAW yarışmasının əsas məqsədi şagirdlərə yalnız dil biliklərini yox, həm də əylənərək öyrənmə bacarıqlarını inkişaf etdirməkdir. İştirakçılar fərqli bölmələrdə, o cümlədən oxuma, yazma, dinləmə və danışıq bacarıqlarını təkmilləşdirərək, dil öyrənməni real həyatla əlaqələndirən tapşırıqları yerinə yetirir. Bu yanaşma onların təhsil həyatına dərin təsir göstərir və qlobal rəqabətdə uğur qazanmağa kömək edir.
Wonderland Adventures Worldwide – İngilis dilini öyrənmək artıq yalnız bir dərs deyil, dünya səviyyəsində möhtəşəm bir səyahətdir!